當年．今日

我係到,住左12年lu

今日同呀媽食生果時吹水
我食近個時呆左係到,呀媽問我做咩
我就話我諗近,好果第時有間屋
一間屬於自己既屋,本身係咩都冇既
然後,一件一件傢俬雜物買番黎
自己砌,DIY,從冇到有,幾正呀
例如,買左張枱番黎,我一定會摸下佢
聞下佢,擺d野上去,睇下點先會靚
肯定會好開心, 一個屬於你既地方喎
試諗下,放工番黎,扒係sofa睇tv,訓覺,幾咁正呀
我呀媽話佢個時買傢俬買屋都係咁開心
得到一樣野既感覺真係正

傾開,我又諗下自己係到住左幾耐
12年喇!由一個咩都唔識(除左加減數)既小一學生
到到宜家,識諗野仲識打blog既中6學生
太耐喇,又過得太快喇
屋企除左傢俬之外,成員都變過
來來去去,加加減減,從冇到有,從愛到恨
呢間屋裡面,咩都發生過
我有d厭倦呢間屋,但係一諗番係到發生過既事
就會覺得好唔捨得,一再回味

沖完涼既時候,我好自然咁向後望
打開個口,想講野,又停住
心裡面講"唔好再玩喇,會凍親架......"