機械人

對番學開始有d厭倦，雖然總比留係屋企好
日日都做相同既野，不停咁重複
就連KK啲笑話，聽到麻目左，覺得佢好煩
對做人都有小小厭倦，就隻雀仔幾好
飛黎飛去，宜加連人都怕左佢地
呢d仲唔係大自然對人類既報復!!!
連對生命都厭倦，"厭世"＝　＝......
佛學話生死輪迴唔好，太多苦
咁涅槃呢?"受於無上寂滅"姐係點呀?影都冇?感覺呢?思想呢?
但比起冇喜冇悲既"無上寂滅"，我寧願係六度輪迴
最少有因果關係既話，種善因得善果，想信苦盡甘來
便雨過天清，開心快樂。點都好過咩都唔知，好似植物"佛"咁，生不如死
一生識左咁多野，用左最寶貴既青春讀書，朋友知己
叫我死左咩都冇哂，我唔要，好唔抵呀!係咁既話我寧願"受於無上寂滅""戀世"－　－......
好過成日都生離死別。但係生命多姿多彩，叫我"受於無上寂滅"，我又唔捨得
諗唔通，好茅盾。可能因為有ｄ人諗呢ｄ野
產生左宗教，唔同意見就有唔同宗教啦
冇悲，又點有喜
我想信"相對論"(唔係E=mc2!!)，每一件事都係相對
每一件事都係因為相對而出現
因為唔戀世，所以厭世
因為唔悲，所以喜
因為唔討厭，所以鐘意???
因為唔凍，所以好熱???
唔凍，就一定熱?
唔討厭，就一定鐘意?
唔悲，就一定喜?唔戀世，就一定厭世?
一定??????????
這個不一定是中道罷
我唔凍唔熱，warm都得卦
我唔討厭你又唔鐘意你，冇feel都得卦
唔悲唔喜唔戀世唔厭世唔講lo，手軟...
中道既另外一面係咩呢?...我都想知
唔通係兩邊都唔關事？如果佢冇另一邊...咁我既"相對論"......
唉，好攰，就爆喇，算數
--------------------------------------------------------------------
都唔知咩呀ma黎架，死都唔俾我捐血
好似驚死益左人咁
係唔係鄉下黎架
頂!!!真係想借school嗰個type俾我呀ma睇下!!!